राजू तावडे / सावंतवाडी :- बेंगलोर, बेळगाव, गोवा हा महामार्ग दोडामार्ग तालुक्यातून जाणार आहे. त्यामुळे दोडामार्ग तालुक्याचा वेगवान विकास होणार आहे. कोनाळकट्टा येथे “ॲम्युझमेंटर पार्क” होणार असल्यामुळे येथे पर्यटनाला चालना मिळणार आहे. असा विश्वास शालेय शिक्षण मंत्री दीपक केसरकर यांनी कोनाळकट्टा येथे व्यक्त केला. दिपोत्सव समिती, तरुण मंंडळ आणि नवहौशी ठाकर समाज कलाक्रीडा मंडळ यांच्यावतीने आयोजित करण्यात आलेल्या दिपावली शो टाईमला श्री. केसरकर यांनी रात्री उशिरा भेट दिली. यावेळी त्या ठिकाणी सुरू असलेल्या ओंकार सांस्कृतिक कलामंचाच्या कलाकारांचे त्यांनी कौतूक केले.
यावेळी शिंदे गटाचे तालुकाध्यक्ष गणेशप्रसाद गवस, शैलेश दळवी, गोपाळ गवस, परेश पोकळे, आप्पा कामत, मंडळाचे अध्यक्ष प्रितम पोकळे, रामा ठाकुर, आंनद आरोलकर, प्रविण ठाकुर, विजय ठाकुर, रुपेश ठाकुर, योगेश पांगम, संकेत पोकळे, ऋत्वीक पोकळे, संतोष शिरवलकर, विष्णू ठाकुर, डॉ. रामदास रेडकर आदी उपस्थित होते.
यावेळी श्री. केसरकर यांचा मंडळाच्या वतीने सन्मान करण्यात आला. यावेेळी ओंकार कलामंचाचे पदाधिकारी अमोल टेंबकर, अनिकेत आसोलकर व अन्य सहकार्‍यांचे श्री. केसरकर यांनी कौतूक केले. कलामंचाच्या माध्यमातून सादर करण्यात आलेल्या छत्रपती शिवाजी महाराजांच्या राज्यभिषेकावर साकारण्यात आलेल्या नृत्याचा आनंद केसरकर यांनी घेतला. या नृत्यात स्वरुप कासार यांनी छत्रपतींची भूमिका साकारली होती.
यात नारायण पेंडुरकर, अभिषेक लाखे, साई हनपाडे, ओम टेंबकर, आदित्य हनपाडे, अतुल गावकर, किसन धोत्रे, हेमंत पांगम, सचिन मोरजकर, विशाल तुळसकर, चैतन्य सावंत, जॉय डान्टस, दिपेश शिंदे, आनंद काष्टे, रोहित पाळणी, सोनाली बरागडे, पूजा राणे, पूजा पारधी, अमिषा सावंत, रसिका धुरी, स्टेला डान्टस, भूमी धुरी, प्रणिता भर्डे, खुशी वेंगुर्लेकर, स्नेहा शिरसाट आदींनी सहभाग घेतला होता.
