मुंबई/प्रतिनिधी:-
केंद्रीय मंत्री नारायण राणेंनी मुख्यमंत्र्यांवर केलेल्या आक्षेपार्ह विधानानंतर राज्यात पुन्हा एकदा भाजपा-शिवसेना आमने सामने आलेले पाहायला मिळत आहे. राणेंच्या मुंबईतील बंगल्याबाहेर शिवसेनेच्या कार्यकर्त्यांनी जोरदार निदर्शनं केली. त्यात अग्रेसर असणाऱ्या शिवसेनेच्या मोहसीन शेखची युवासेना प्रमुख आदित्य ठाकरेंनी युवासेना सहसचिव पदी नियुक्ती केली. या नियुक्तीवरुन नितेश राणेंनी शिवसेनेला टोला लगावला आहे. नारायण राणेंनी मुख्यमंत्र्यांवर केलेल्या आक्षेपार्ह विधानानंतर शिवसेनेकडून राणेंच्या मुंबईतील जुहू येथील बंगल्याबाहेर जोरदार निदर्शन केली. यावेळी पोलिसांनी कार्यकर्त्यांवर लाठीचार्जही केला. त्या लाठीचार्जमध्ये शिवसेना कार्यकर्ते मोहसीन शेख यांना जबर मारहाण झाली. त्या मारहाणीचे फोटो आणि व्हिडिओही समोर आले. या घटनेनंतर आदित्य ठाकरे यांनी मोहसीन शेख यांची युवासेना सहसचिव म्हणून नियुक्ती केली. त्या नियुक्तीवरुन निशाणा साधत आपल्या ट्विटर हँडलवरुन फोटो शेअर केला. तसेच, त्या फोटोसोबत ‘आज पण राणेंमुळे शिवसेनेत पद मिळतात!! सिर्फ नाम हि काफी है!!!’ असे लिहित शिवसेनेवर जोरदार टोला लगावला आहे.
