मुंबईः माहीम येथील शिवसेनेचे नगरसेवक मिलिंद वैद्य यांनी कोंबडी विक्रेत्यांना मारहाण केल्याची घटना घडली आहे. त्याचा व्हिडिओदेखील व्हायरल होत आहे. माहीम मच्छिमार कॉलनी येथील भागात कोंबडी विक्रेत्यांना ही मारहाण करण्यात आल्याचे समजते.
मिलिंद वैद्य एका कोंबडी विक्रेत्याला मारहाण करताना व्हिडिओमध्ये दिसत आहेत. त्याचप्रमाणे वाहनाला अडकवलेल्या वजनकाट्याची नासधूस करत किती वेळा सांगितले आहे, अशी विचारणा करताना ते दिसत आहेत. यानंतर वैद्य यांच्यासह आलेले कार्यकर्तेदेखील अन्य विक्रेत्यांना मारहाण करताना दिसत आहेत. मारहाण करताना शिवीगाळदेखील करण्यात आल्याचं व्हिडिओत दिसत आहे.
